F. Orion frá Litla-Bergi (8,09)
M. Nn frá Hurðarbaki

ósýnd
 

Svölu eignuðumst við árið 2001 og á sama tíma þrjú afkvæma hennar (af þeim fjórum sem hún hafði þá eignast). Svala var tamin 4v. gömul í stuttan tíma. Hún hafði góðan vilja og mikið töltgeng.  Hennar örlög sem reiðhryssu urðu sú að hún lenti í ristarhliði og ber ljótt ör á framfæti eftir þá raun. Síðan hefur henni ekki verið reitt.  Svala býr fyrir slettuskjóttum erfðavísi og hefur gefið okkur tvö slík afkvæmi. Hún er afar frjósöm, mjólkar mjög mikið og folöldin undan henni taka þroska út gríðar hratt.  Þar sem hún leggur allt í uppeldið þá höfum við þurft að taka undan henni folöldin mjög snemma undanfarin haust, eða í sept/okt til að hún tapi ekki holdum.  Það er líka gaman að hafa svona hryssu í ræktun sem fær alltaf strax og er alveg eins og klukka með gangmál og köstun.  Það eru ótrúlega verðmætir eiginleikar.  Skoðið myndir af afkvæmunum hér fyrir neðan til sjá hvað hún hefur gefið okkur fjölbreytilega liti í afkvæmum sínum.

Svala fór undir Hreim frá Fornhaga II sumar 2010
   

Afkvæmi Svölu frá Hurðarbaki:

Söngur frá Neðri-Hrepp f. '98 F. Hjálmar frá Vatnsleysu
Brella frá Neðri-Hrepp f. '99 F. Foss frá Feti
Kúnst frá Árdal (7,95) f. '00 F. Freyr frá Holtsmúla
Fangi frá Neðri-Hrepp f. '01 F. Freyr frá Holtsmúla
Maski frá Akureyri f. '02 F. Ægir frá Móbergi
Íma frá Akureyri (8,07) f. '03 F. Hágangur frá Narfastöðum
Mjöður frá Akureyri f. '04 F. Loftur frá Möðrufelli
Nn frá Akureyri (fórst) f. '05 F. Glampi frá Vatnsleysu
Farði frá Fornhaga II f. '06 F. Ægir frá Móbergi
Grýla frá Fornhaga II f. '07 F. Hnokki frá Þúfum
Helmingur frá Fornhaga II f. '08 F. Maur frá Fornhaga II
Skúmur frá Skriðu f. '09 F. Moli frá Skriðu
Geld við Mola frá Skriðu - 2010

Hér fyrir neðan eru þau afkvæmi sem ýmisst hafa verið í okkar eigu (fengum með henni í upphafi) eða eru ræktuð af okkur: